Благославление Зататуштры

1
dahmô ahmi âfrî-vacå,
[paiti-aoxta zarathushtrô puthra kava vîshtâspa,] hvarenanghå me sadhayehi, âat aoxta zarathushtrô kavôish vîshtâspahe, âfrînâmi tava nara danghu-paiti vohu-jîti us- jîti darekhem-jîti, jaite te narãm, jaite te nâirikãm, jaite te puthra us-zhayåñte tanu-kereta.
2
aêva te bavâhi ýatha jâmâspô, uta âfrînem kerenavât ýatha danghêush vîshtâspâi,
sevishtô bavâhi ýatha mazdå,
verethrajå ýatha thraêtaonô,
amavå ýatha jâmâspô,
ash-varecå ýatha kava usa,
pauru-jirô ýatha zoshnarô,
zaênanghuñtem bavâhi ýatha taxmô urupa.
3
hvarenanghuñtem bavâhi ýatha ýô ýimô xshaêtô hvãthwô, hazangra-ýaoxshtyô bavâhi ýatha azhôhish dahâkâi akha-daêna, ukhrem aojishtem bavâhi ýatha keresâspem, hudhånghem vyâxnem bavâhi ýatha urvâxshahe, srîrem kehrpem anâstravanem bavâhi ýatha kava syâvarshânô.
4
pouru-gô bavâhi ýatha âthwyânôish, pouru-aspem bavâhi ýatha pourushaspem, ashava bavâhi ýatha zarathushtrô spitâmô, ranghãm dûraê-pâranãm bavâhi ýatha ýô vifrô navâzô, urvathô bavâhi ýazatanãm ýatha zaranem mashyânãm.
5
zayåñte haca vô dasa puthra, thrâyô bavâhi ýatha athaurunô, thrâyô bavâhi ýatha rathaêshtârahe, thrâyô bavâhi ýatha vâstryehe fshuyañtô, aeva te bavâhi ýatha danghêush vîshtâspâi.
6
aurvat-aspem bavâhi ýatha hvare, raocinavañtem bavâhi ýatha månghem, saocinavañtem bavâhi ýatha âtarem, tizhinavañtem bavâhi ýatha mithrem, huraodhem verethrajanem bavâhi ýatha sraoshem ashîm.
7
arsh-tkaêshem bavâhi ýatha rashnush, dushmainyû-jayañtem bavâhi ýatha verethrakhnem ahuradhâtem, pouru-hvâthrem bavâhi ýatha râmanô hvâstrahe, a-ýaskem a-mahrkem bavâhi ýatha kava husrava,
8
pasca âfrînem aipi-jasaiti vahishtem ahûm ashaonãm raocanghem vîspô-hvâthrem, atha jamyât ýatha âfrînâmi. humatanãm hûxtanãm hvarshtanãm ýadacâ anyadacâ verezyamnanãmca vâverezananãmca mahî aibî-jaretârô naênaêstârô ýathanâ vohunãm mahî.
ýathâ ahû vairyô….
ashem vohû….
ahmâi raêshca … raocanghem vîspô-hvâthrem.
atha jamyât ýatha âfrînâmi.
ashem vohû….